Св. Спас и врв Вртешка (2010 м.н.в) – село Маловишта + фото галерија

Св. Спас

Во близина на село Маловишта на 1910 м.н.в на територијата на Националниот Парк „Пелистер“ се наоѓа црквата посветена на Вознесението Христово или Спасовден. Објектот е еднокорабна градба со влез од јужната страна и полукружна апсида на исток.

Во близина на црквичето Св. Спас е планинскиот врв Вртешка (2010 м.н.в), а веднаш до црквичето има објект – планинарски дом кој го користат големиот број на планинари, кои се чести гости во овој дел на Националниот парк Пелистер.

Камбанаријата поставена на карпата пред храмот, е еден од најчесто фотографираните мотиви од Пелистер и истата ја збогатува глетката кон високите врвови, село Маловишта и пелагониската котлина.