СИНЕ СТОЈАНЕ – Народни песни во кои се спомнува Битола

HomeБитола низ песнитеСИНЕ СТОЈАНЕ – Народни песни во кои се спомнува Битола

— Еј бреј Стојане, сине Стојане,

свршеницата ти се посврши. —

— Ох мори мајко, ох мила мајко,

нека се врши, нека се мажи;

Јас ќе си идам в гора зелена,

в гора зелена да се обесам;

или ќе идам во река Вардар,

во река Вардар да се удавам.

— Еј бреј Стојане, сине Стојане,

зошто да одиш в гора зелена,

в гора зелена да се обесиш;

или да одиш во река Вардар,

во река Вардар да се удавиш?

Јас ќе отидам в града Битола,

ќе ти посвршам зенгин вдовица,

зенгин вдовица, дуљбер Марика,

дуљбер Марика, ем миразџика.

 

Преземено од книгата: БИТОЛА БАБАМ БИТОЛА

Народни песни во кои се спомнува Битола,

собрал, предговор и речник напишал

проф. Филип Каваев

Издадена: Битола, Октомври 1969 год

Св. Спас и врв Вртешка (2010 м.н.в) – село Маловишта + фото галерија

Во близина на село Маловишта на 1910 м.н.в на територијата на Националниот Парк „Пелистер“ се наоѓа црквата посветена на Вознесението Христово или Спасовден. Објектот е еднокорабна градба со влез од јужната страна и полукружна апсида на исток.

Руски војници во Битола за време на Првата светска војна –...

0
Руски војници во Битола оддаваат почит пред споменикот на Александар Аркадиевич Ростковски, руски конзул кој бил убиен во Битола во 1903 година. Фотографирано при...