Home Blog

Вера Велјановска – атлетика – најдобра меѓу најдобрите во Битола за 1971 година

Вера Велјановска - атлетика - најдобра меѓу најдобрите во Битола за 1971 година

(Извадок од книгата – „НАЈДОБРИ МЕЃУ НАЈДОБРИТЕ“ од авторот Димче Миновски (Битола 2013 г, издавач – Сојуз на спортови – Битола)


СОФК-а и Битолски весник успешно го организираа Изборот на најдобрите спортисти и во средината на јануари 1972 година. Се разбира, признанија се доделуваа за успесите на спортистите остварени во 1971 година.

Битолската „газела” Вера Велјановска

За прв пат се додели признание и за најуспешна екипа. За најдобар спортски колектив во 1971 година беше прогласена екипата на РК „Пелагонија” која за прв пат во својата историја избори пласман во елитната Прва југословенска ракометна лига.

Големата прослава што се одржа повторно во преполната сала на киното „Партизан”, беше дополнета со богата културно -уметничка програма во која настапија: групата “Оне и Они”, Далиборка Стојшиќ, Жарко Данчуо, Лидија Кодриќ, Миња Субота, Сашка Петковска, Славе Димитров, Ацо Симоновски и Елица Ковачева. Ѕвездите од тогашната ју-забавна естрада ги придружуваше ансамблот на Александар Саша Субота. Тоа чинеше многу, но пари не се жалеа.

За спортист на годината ( 1971 г.) без конкуренција, беше избрана атлетичарката на АК „Олимпија”, Вера Велјановска, која токму сега беше во зенитот на својата слава. Велјановска во оваа година оствари навистина завидни резултати, а, покрај другото, стана државна рекордерка и на 60 м.

Ранг-листа на најдобрите за 1971 г.

1.Bepa Велјановска – атлетика
2.Михајло Петровски – гимнастика
З.Пеце Димитровски – ракомет
4.Митра Секирковска – падобранство
5.Менде Таневски – фудбал
6.Пеце Стојанов – стрелаштво
7.Милка Гемтова – скијање
8.Мамер Коминовски – бокс
9. Миле Атанасов – кошарка
10.Димче Петковски – пинг-понг

Мијхајло Петровски беше еден од најдобрите гимнастичари во Битола. Во мај, оваа година, го освои првото место во сениорска конкуренција во Македонија, Прво место освои и на републичкиот повеќебој. На државното првенство, во силна конкуренција, беше шести. Специјалност му беше „коњот”. Потсетуваше на тогаш прославениот југословенски гимнастички ас – Мирослав Церар.

Пеце Димитровски подолго време беше ракометар број еден во Битола и Републиката. Беше капитен на „Пелагонија” и еден од најзаслужните што оваа екипа, по четирите обиди, во 1971 година се најде во Првата сојузна ракометна лига.

Митра Секирковска веќе беше позната со својата храброст и подвизи. Повторно се најде меѓу десетте најдобри откако во 1970 г. стана југословенски рекордер на илјада метри со задршка и истиот успех, во ноќни услови, го оствари и во 1971 година, кога постави нов југословенски рекорд – (2.98 м).

Методија Таневски беше капитен на ФК „Пелистер” и најдобар стрелец во есенскиот дел од првенството во Македонската фудбалска лига.

Пеце Стојанов значеше за еден од најдобрите стрелци во Битола. Освои втори места на републичкото првенство, на турнирот во Босански Шамац и на конкурсните натпревари за избор на репрезентативци на Македонија.

Милка Гемтова беше една од најдобрите скијачки во женска конкуреиција во Битола и Македонија. Покрај успесите на натпреварите во Македоиија, на Балканскиот шампионат го освои шестото место.

Мамер Коминов претставуваше вистински талент во боксот. Во ова бреме беше член на боксерската школа и на двете изборни првенства во Битола и Штип ја освои титулата „златен гонг” и беше прогласен за најдобар боксер на Македонија во младинска конкуренција.

Миле Атанасов години со ред беше меѓу најдобрите кошаркари на на КК „Младост”. Освојувањето на првото место во Републиката беше и негова заслуга.

Димче Петковски неколку години беше рекет број еден во пингпонгарскиот спорт. Во оваа година настапи на 33 официјални натпревари, а од 70 одиграни партии 64 реши во своја полза. Во 1971 година стана и студентски првак на Македонија.

Митра Секирковска – падобранство – девојка со челично срце – најдобра меѓу најдобрите во Битола за 1970 година

Митра Секирковска - падобранство - девојка со челично срце - најдобра меѓу најдобрите во Битола за 1970 година
Митра Секирковска - падобранство - девојка со челично срце - најдобра меѓу најдобрите во Битола за 1970 година

(Извадок од книгата – „НАЈДОБРИ МЕЃУ НАЈДОБРИТЕ“ од авторот Димче Миновски (Битола 2013 г, издавач – Сојуз на спортови – Битола)


Девојката со јуначко срце, Митра Секирковска, стана спортист на Битола за 1970 година, откако зад себе навистина оствари добри резултати.

Co инсталирањето на Изборот на десетте најдобри спортисти како редовна манифестација која долго време се одржува по секоја завршена календарска година, по обичај на почетокот или најдоцна до крајот на февруари следната година, Битола доби манифестација која ги анимираше спортистите, но и пошироката јавност. Потрагата по резултати на сојузен, републички или општински план секогаш беше мотивирана и со желбата секој од спортистите да се најде на ранг-листата на најдобрите во градот.

Пласманот на листата значеше афирмација, призание, но и обврска да се продолжи со успешна работа. Затоа многу често се случуваше по неколку години со ред на листата да се исти спортисти. Тука треба да се истакне дека ретко кој и кога имаше забелешки на изгледот на листите. Гласовите ги даваа граѓаните, а финалната работа ја завршуваа комисии кои беа составени од луѓе доволно упатени во спортските збиднувања.

Изборот на десетте најдобри спортисти за 1970 година се одржа во почетокот на февруари 1971 година и тоа со богата културно – уметничка програма и за прв пат во киното „Партизан”. Тоа за битолчани беше дотогаш ретко виден настан. Сега, освен спортистите, на оваа маиифестација можеа да присуствуваат и повеќе стотици граѓани на Битола. Во гала-забавната програма. покрај спортисти, продрфилираа и тогаш звучни имиња од македонската и југословенската забавна естрада: Сашка Петковска, Ацо Симоновски, Виолета Томовска, Миодраг Станојковиќ, Ѓоко Дончевски, Добрила Чабриќ, Драган Мијалковски, Александар Сариевски, Елица Ковачевска, Александар Сарев, Даниела Панчетовиќ, оркестарот „Македо” и популарните комичари Бранка Веселиновиќ и Драги Крстевски -Амфи. Забавата беше на висина, но, сепак, со нетрпение се очекуваше изборот на најдобрите спортисти што пак, според гласовите на читателите, беа избрани од комисијата на СОФК-а и редакцијата иа Битолски весник.

Присутните ги поздрави членот на комисијата и претставник на СОФК-а, тогаш мошне познатиот спортски работиик Илија Упалевски, кој и дотогаш речиси редовно учествуваше во изборот на десетте најдобри спортисти на Битола.

За спортист на годината ( 1970 г.) беше избрана Митра Секирковска, државна рекордерка во падобранство.

Ранг- листа на најдобрите за 1970 г.

1. Митра Секирковска -падобранство
2. Вера Велјановска – атлетика
3. Лазе Баевски – ракомет
4. Вилијамс Христовски – стрелаштво
5. Љупчо Спировски – скијање
6. Томе Димитровски – фудбал
7. Димче Петковски – пинг-понг
8. Снежана Јовановска – шах
9. Ѓорѓи Митревски – фудбал
10. Диме Неделковски – кошарка

Пеце Димитровски Лазе Баевски
Пеце Димитровски,
Лазе Баевски

 

Битолски стрелци на републички натпревар во Скопје – 1971 г. Вилијамс Христов е втор долу
Битолски стрелци на републички натпревар во Скопје – 1971 г. Вилијамс Христов е втор долу

 

Диме Петковски
Диме Петковски

Никола Богоевски – повеќебој, најдобар меѓу најдобрите во Битола за 1969 година

Никола Богоевски - повеќебој, најдобар меѓу најдобрите во Битола за 1969 година
Никола Богоевски - повеќебој, најдобар меѓу најдобрите во Битола за 1969 година

(Извадок од книгата – „НАЈДОБРИ МЕЃУ НАЈДОБРИТЕ“ од авторот Димче Миновски (Битола 2013 г, издавач – Сојуз на спортови – Битола)


За најдобар спортист за 1969 во 1970 година беше прогласен Никола Богоевски, познат во Битола како сестран спортист гимнастичар, атлетичар, а најдолго време мина со фудбалската топка.
1970 година беше година на јубилеи.

Се славеше 50 годишнината на Фудбалскиот сојуз на Југославија и 25 годишнината на спортот во Битола. По тој повод, на 21 јануари во КУД „Стив Наумов”, се одржа голема свеченост на која, исто така беа избрани и десетте најдобри спортисти на Битола за 1969 година.

Читателите на Битолски весник и комисијата, составена од спортски работници и новинари, титулата најдобар спортист му доделија на Никола Богоевски, атлетичар и младински државен првак во партизански повеќебој.

Никола Богоевски - повеќебој, најдобар меѓу најдобрите во Битола за 1969 година
Никола Богоевски – повеќебој, најдобар меѓу најдобрите во Битола за 1969 година

 

Битолски весник на оваа прослава и посвети големо внимание
Битолски весник на оваа прослава и посвети големо внимание

 

Ранг-листа на најдобрите за 1969 г.
1.Никола Богоевски – повеќебој
2.Ристо Бимбиловски – маратонско пливање
З.Љупчо Спировски -скијање
4.Митра Секирковска – падобранство
5.Боне Трајковски -ракомет
6.Александар Марковски – гимнастика
7.Спаса Костадинова -стрелаштво
8.Милка Гемтова – скијање
9.Лазар Бојаџиев – падобранство
10.Страшо Павловски – кошарка

Ристо Бимбиловски u Ѓоко Димиќ – 1966 г
Ристо Бимбиловски u Ѓоко Димиќ – 1966 г

 

Ha свеченоста, за 25 – годишниот развој на физичката култура во Битола, зборуваше претседателот на СОФК-а, Васил Гулевски, а за 50 – годишнината на ФСЈ, Јорго Хаџистерју, член на ФСЈ и ФСМ.

Признанија и награди им беа доделени на педесетина заслужни спортски работници и општински организации. Исто така, по повод златниот јубилеј на ФСЈ на 45 фудбалски работници, клубови и организации од Охрид, Струга, Ресен, Демир Хисар, Крушево и Битола им беа доделени спомен – плакети, спомен дипломи и пофалници. Златни спомен – плакети на ФСЈ добија Ѓорѓи Оџаклиевиќ од Битола, ФК „Пелистер” и Битолското фудбалско подрачје, а сребрени плакети им беа доделени на Никола Димитровски, Михајло Спасевски и Антон Хаџи Антоновски и на клубовите ФК „Металец” и ФК „Битола”. Посебен интерес предизвика изборот на најдобрите спортисти што го организираа Битолски весник и СОФК-а. Во анкетата учествуваа над 2 илјади читатели.

Дане Бачевски – кошарка, најдобар меѓу најдобрите во Битола за 1968 година

Дане Бачевски - кошарка, најдобар меѓу најдобрите во Битола за 1968 година

(Извадок од книгата – „НАЈДОБРИ МЕЃУ НАЈДОБРИТЕ“ од авторот Димче Миновски (Битола 2013 г, издавач – Сојуз на спортови – Битола)


За спортист на годината на Битола за 1968 година беше избран младиот кошаркар Дане Бачевски, откако стана член на југословенската младинска кошаркашка репрезентација и настапи во дуелот со Бугарија.

Во многу посвечена атмосфера, што не беше случај во изминатите години, Битола ги избра најдобрите спортисти за 1968 година, повторно со помош на читателите на Битолски весник.
Дека манифестацијата добива во тежина потврди присуството на претседателот на Општинското собрание, Мито Пејовски, и поздравните говори на првиот човек на Битолски весник, Тоде Ѓоревски и претседателот на СОФК-а, Васил Гулевски. До комисијата што ја сочинуваа: Миле Фидановски, Мице Миленковски, Симе Марковски, Владо Ласковски и Спиро Мачески, пристигнаа бројни гласачки купони.

Исечок од Битолски весник
Исечок од Битолски весник

 

За спортист на годината на Битола за 1968 година беше прогласен младиот кошаркар Дане Бачевски. Според мислењето на сите, сосема заслужено, зашто Бачевски со своите виртуозни игри го привлече вниманието врз себе и стана младински кошаркашки репрезентативец на Југославија (што во тоа време, навистина, беше неверојатно големо признание и успех) и настапи во синиот дрес во дуелот со Бугарија.

Ранг-листа на најдобрите за 1968 г.

1.Дане Бачевски – кошарка
2.Љупчо Спировски – скијање
З.Лазар Бојаџиев – падобранство
4.Михајло Петровски – гимнастика
5.Коста Попниколов – фудбал
6.Петар Стојчев – ракомет
7.Слободанка Талева – стрелаштво
8.Милка Гемтова – скијање
9.Благој Багевски-ракомет
10.Aлександар Марковски – гимнастика

 

Дане Бачевски - кошарка, најдобар меѓу најдобрите во Битола за 1968 година

Дане Бачевски беше извонреден кошаркар нo и мошне добар ракометар. На сликата како ракометар на „Пелистер “, 1973-74 г.

 

РК „Пелистер" 1973-74 г., екипа во која стандарден првотимец беше и Дане Бачевски (четврт – долу, оддесно)
РК „Пелистер” 1973-74 г., екипа во која стандарден првотимец беше и Дане Бачевски (четврт – долу, оддесно)

 

Битолски гимнастичари од повеќе генерации. Меѓу нив се и Михајло Петровски, Никола Богоевски и Александар Марковски - кои беа на ранг-листите на најдобрите спортисти
Битолски гимнастичари од повеќе генерации. Меѓу нив се и Михајло Петровски, Никола Богоевски и Александар Марковски – кои беа на ранг-листите на најдобрите спортисти

Ѓорѓи Ѓорѓиевски – Ѓуц (падобранство), најдобар меѓу најдобрите во Битола за 1967 година

Ѓорѓи Ѓорѓиевски – Ѓуц (падобранство), најдобар меѓу најдобрите во Битола за 1967 година
Ѓорѓи Ѓеорѓиевски ( Велјановски) - Ѓуц, еден од најдобрите падобранци на Битола. Почина на 11 јуни 2011г., откако зад себе остави видни траги во падобранството

(Извадок од книгата – „НАЈДОБРИ МЕЃУ НАЈДОБРИТЕ“ од авторот Димче Миновски (Битола 2013 г, издавач – Сојуз на спортови – Битола)


Изборот на најдобрите спортисти за 1967 година се одржа на крајот од истата година. Организатори на манифестацијата беа редакцијата на Битолски весник и СОФК-а.

За прв пат манифестацијата беше организирана во киното „Трудбеник” со присуство на бројни спортисти, спортски работници, претставници на општествено политичките организации и граѓани и богата културно уметничка програма на која посебна атракција беше познатата естрадна уметничка, битолчанката Виолета Томовска.

Комисијата ја сочинуваа: Мице Миленковски, претставник на СОФК-а, Илија Упалевски, познат спортски работник и Миле Божиновски, спортски уредник на Битолски весник. Во анкетата учествуваа рекорден број читатели кои помогнаа многу во оформувањето на конечниот изглед на ранг-листата на најдобрите спортисти.

Ранг-листа на најдобрите спортисти за 1967година

1. Ѓорѓи Ѓорѓиевски – Ѓуц (падобранство)
2. Мичо Петровски – (гимнастика)
3. Боне Трајковски (ракомет)
4. Миле Огненовски – (стрелаштво)
5. Кузман Лоловски – (падобранство)
6. Дане Бачевски – ( кошарка)
7. Стојан Стаматов – ( ракомет)
8. Борче Илиевски – (шах)
9. Пеце Петров – (пливање)
10. Благој Рајковски – ( велосипедизам)

Кузман Лоловски – еден од најдобрите падобранци на Битола
Кузман Лоловски – еден од најдобрите падобранци на Битола

Кузман Лоловски – еден од најдобрите падобранци на Битола

 

Исечок од Битолски весник
Исечок од Битолски весник

По големите успеси, остварени во 1967 година, беспрекорниот човек, спортист и вистински вљубеник во небесните синила, или бестрашниот јавач по облаците, Ѓорѓи Ѓеорѓиевски – Ѓуц, сосема заслужено стана спортист на Битола за 1967 г. Читателите на Битолски весник за него дадоа рекорден број гласови, дури што дотогаш ниту било, ниту пак ќе биде во иднина.

Исечок од Битолски весник
Исечок од Битолски весник

 

Мичо Петровски веќе беше познат на битолската јавност како извонреден мајстор на гимнастичките справи. Се уште беше во зенитот на славата и еден од најдобрите гимнастичари во Битола и Македонија. За него гласаа 9.854 читатели на Битолски весник.

Боне Трајковски, беше „дете” на битолскиот ракомет. Се предели да биде голман и беше човек без кого не можеше да се смисли првата постава на „Работник”. Својот глас за Боне го дадоа 4.203 вљубеници во спортот.

Миле Огненовски-Зевс од читателите иа Битолски весник собра 7,456 гласови. И комисијата немаше никакви дилеми дали овој стрелец да се најде на ранг-листата на десетте најдобри спортисти за 1967 г.

За Кузман Лоловски гласаа 6.842 читатели на Битолски весник. Овие гласови му обезбедија пласман на 5 место. Лоловски, всушност, продолжи со успесите во падобранството и заслужено беше меѓу најдобрите спортисти на градот.

Дане Бачевски и натаму беше миленик на битолчани. Како вистински виртуоз во кошарката можеше да игра во било кој поголем клуб низ Македонија и Југославија, но тој ја сакаше Битола и со радост и гордост ги бранеше боите на својот град. За Дане гласаа 6.200 читатели.

Стојан Стаматов, исто така, беше еден од ракометарите кој значеше нешто не само за „Работник”, туку воопшто и за ракометот во Битола и Македонија. Беше стандарден првотимец, градител и организатор на играта. Заедно со Петар Стојчев, Пеце Димитровски и други беше столб на РК „Работник”. За Стојан, гласовите ги дадоа 5.861 читател.

Во шахот не се знаеше кој беше подобар. Час тоа беше Борче, час Димче Илиевски. Минатата година меѓу најдобрите се најде Димче, а во 1967 година место на ранг-листата обезбеди Борче Илиевски. Борче собра 5.591 глас.

За пливачот Пеце Петров гласаа 4.632 читатели. Овие гласови на Пеце му го обезбедија деветтото место меѓу најдобрите спортисти.

Велосипедистот Благој Рајковски, пак, собра 4.141 глас и се најде на десеттото место на најдобрите спортисти на Битола за 1967 г.

Ракометна екипа на Битола 1962 г
Ракометна екипа на Битола 1962 г

 

РК „Работник“ 1961 г
РК „Работник“ 1961 г

Марија Страчкова (гимнастика), најдобра меѓу најдобрите во Битола за 1966 година

Марија Страчкова (гимнастика), најдобра меѓу најдобрите во Битола за 1966 година

(Извадок од книгата – „НАЈДОБРИ МЕЃУ НАЈДОБРИТЕ“ од авторот Димче Миновски (Битола 2013 г, издавач – Сојуз на спортови – Битола)


Заедничката комисија на Битолски весник и СОФК-а во 1967 година изврши два избора. Едниот во јануари 1967 г, кога се избраа најдобрите спортисти за 1966, и вториот во декември истата година. За спортист на годината 1966 година беше прогласена гимнастичарката Марија Страчкова, а спортист на Битола за 1967 година стана падобранецот Ѓорѓи Ѓорѓиевски – Ѓуц и тоа убедливо со 10.361 гласа од читателите на Битолски весник.

Ранг-листа на најдобрите спортисти за 1966 година:

1. Марија Страчкова (гимнастика)

Марија Страчкова активна членка на ДТВ „Партизан”, во годината што измина беше една од најдобрите гимнастичарки на Битола, но стана и републички првак во својата категорија. При одлуката да биде прогласена за најдобар спортист на Битола немаше дилеми ниту кај читателите на Битолски весник, ниту кај комисијата што беше составена од претставници на Битолски весник и СОФК-а.

2. Петар Стојчев (ракомет)

Корпулентниот ракометар Петар Стојчев беше нерешлива загатка за одбраните иа противничките скипи. Додуша околу него имаше и други и високи и снажни ракометари, но тој беше незадржлив и значеше многу за својата екипа.

З.Лазар Бојаџиев (падобранство)

Лазар Бојаџиев 1968 г
Лазар Бојаџиев 1968 г

 

Лазар Бојаџиев веќе неколку сезони со ред беше меѓу јунаците на небесните синила. Значеше за вреден падобранец и другар. Беше вистински вљубеник во синилата на небото, а на ранг- листата на најдобрите за 1966 се најде откако го освои првото место на државното првенство во падобранство.

4. Илија Ѓорѓиевски (бокс)

Неколку години со ред Илија Ѓеорѓиевски беше меѓу најдобрите млади боксери во Битола и Републиката. Блесна во 1966 година кога стана младински првак на Југославија. Успешно ги бранеше боите и на својот матичен клуб БК „Работник“ кога редеше победи во дуелите и со многу попознати и поискусни боксери од него.

Васко Василевски, тренерот Васко Талевски и Илија Ѓорѓиевски
Васко Василевски, тренерот Васко Талевски и Илија Ѓорѓиевски

5.Томе Петковски (пинг-понг)

Битолската пингпонгарска екипа не можеше да се замисли без стандардниот првотимец Томе Петковски. Беше во зенитот на својата слава и во сите дуели изненадуваше со нови мајстории. Во 1966 година ја освои и титулата републички првак во младинска конкуренција.

Битолски пингпонгари. Томе Петковски е трет оддесно
Битолски пингпонгари. Томе Петковски е трет оддесно

6.Димче Илиевски (шах)

Шахистот Димче Илиевски во 1966 година стана вице-шампион и како еден од најдобрите шахисти во Македонија учествуваше во полуфиналните борби на шаховското првенство на Југославија.

7.Павлина Мијакова (пинг-понг)

Тоа што Томе Петковски беше во машка, тоа Павлина Мијаковска беше во женска конкурешија во пингпонгот во Битола. Павлина, исто така, беше најдобра во Македонија и учествуваше на сојузното првенство во Зрењанин.

8. Лазе Баевски (ракомет)

Уште кога се појави на ракометниот терен, добрите познавачи на оваа игра рекоа дека станува збор за исклучителен ракометен талент. По неочекуваните, но корисни потези за екипата, Лазе секогаш беше наградуван со аплаузи од публиката.

9.Киро Мирчевски (фудбал)

На ранг-листата на најдобрите спортисти за 1966 година, фудбалерот Киро Мирчевски се најде откако ја доби специјалната награда од Битолскиот фудбалски потсојуз како еден од најдобрите фудбалери во Општината Битола.

10.Кузман Лоловски ( падобранство)

Како Лазар Бојаџиев, така и Кузман Лоловски спаѓаше во редот на храбрите но и најдобрите падобранци. Лоловски освои прво место на сојузниот натпревар и се вброи меѓу бестрашните вљубеници во синилата на небото.

На пригодната свеченост, признанијата и наградите на најдобрите спортисти им ги врачи претседателот на СОФК-а, Доде Христовски.

Васко Василевски најдобар спортист на Битола за 1965 година

Васко Василевски најдобар спортист на Битола за 1965 година
Боксерска елита на чело со тренерот Васко Талевски. Васко Василев 1965 година стана југословенски шампион и спортист на годината на Битола за истата година

(Извадок од книгата – „НАЈДОБРИ МЕЃУ НАЈДОБРИТЕ“ од авторот Димче Миновски (Битола 2013 г, издавач – Сојуз на спортови – Битола) – Оригинален наслов: ВАСКО ВАСИЛЕВСКИ НАЈДОБАР МЕЃУ НАЈДОБРИТЕ – 1965 година


По Трифун Робев, Васко Василевски беше вториот боксер што беше прогласен за најдобар спортист на Битола. Тоа беа години кога боксот навистина бележеше добри резултати.
Прогласувањето на најдобрите спортисти за 1965 г. се изврши во почетокот на јануари 1966 г.
Ранг-листа на најдобрите за 1965 г.:

  1. Васко Василевски – бокс
  2. Боге Тасевски – фудбал
  3. Слободанка Талева – стрелаштво
  4. Лазар Поповски – падобранство
  5. Борче Илиевски – шах
  6. Љубиша Николиќ – фудбал
  7. Ефтим Ефтимовски – кошарка
  8. Ристо Костадинов – ракомет
  9. Мирко Тотов – гимнастика
  10. Лазар Ташевски – атлетика

Ранг-листата на десетте најдобри спортисти на Битола за 1965 г. и овојпат беше составена врз гласовите на читателите на Битолски весиик. Васко Василевски го привлече вниманието откако на Младинскиот шампионат на Југославија во бокс го освои првото место во бантам категорија. Тоа беше најголем успех што еден боксер го имаше постигнато во долгата историја на боксот во Битола.

За разлика од 1964 годииа, кога иницијативата за воспоставување на манифестацијата Избор на најдобрите спортисти беше заедничка меѓу спортската редакција на Битолски весник и СОФК-а, во оваа година работите врз себе почна да ги презема раководството иа СОФК-а, но со силна поддршка и асистенција на спортската редакција на Битолски весник, која го организираше гласањето и ги повикуваше вљубениците во спортот да го дадат својот глас и да одлучат кој, според нив, може да се најде на ранг-листата на најдобрите.

Несомнено, големи заслуги за воспоставуваљето на оваа манифестација имаше Спиро Мачески, кој професионално беше ангажиран како просветен работник, но истовремено беше и дописник на повеќе спортски гласила, меѓу кои и Битолски весник каде што стана уредник на спортската страница уште од првиот број што се појави во почетокот на 1964 година.

Една од најсилните битолски кошаркашки екипи. Ефтим Ефтимовски, првиот од десно, беше и тренер и играч
Една од најсилните битолски кошаркашки екипи. Ефтим Ефтимовски, првиот од десно, беше и тренер и играч

 

Трифун Робев – најдобар спортист на Битола за 1964 година

Трифун Робев – најдобар спортист на Битола за 1964 година

Извадок од книгата – „НАЈДОБРИ МЕЃУ НАЈДОБРИТЕ“ од авторот Димче Миновски (Битола 2013 г, издавач – Сојуз на спортови – Битола)

За прв пат во историјата на битолскиот спорт, организиран избор на најдобрите спортисти се изврши во почетокот на февруари 1965 година. За прв најдобар спортист на Битола, за 1964 година, беше прогласен боксерот на „Работник”, Трифун Робев.

Трифун Робев – најдобар спортист на Битола за 1964 годинаВаско Талевски и првиот нај- спортист на Битола, Трифун Робев

Првиот избор на најдобрите спортисти на Битола за 1964 година се одржа откако читателите на Битолски весник до редакцијата испратија 337 купони за гласање. Рокот за испраќање на купоните беше до 27 јануари 1965 година. Гласачките купони стигнаа на адреса на Комисијата за избор на десетте најдобри спортисти што ја сочинуваа: Гордана Јовановиќ, просресор, Мице Миленковски, претставник на СОФК-а, Миле Божиновски, студент, и Спиро Мачески, спортски уредник на Битолски весник.

Ранг-листата на најдобрите спортисти се одредуваше според бројот на гласовите на читателите на Битолски весник. На првата манифестација – избор на десетте најдобри спортисти на Битола за 1964 година најмногу гласови имаше за боксерот на „Работник”, Трифун Робев.

На второ место се пласира шахистот Борче Илиевски, а на трето – фудбалерот Василе Стојановиќ.

Понатаму, на првата ранг-листа на најдобрите спортисти се најдоа: ракометарот Благоја Багевски, атлетичарот Асен Паунов, шахистот Димче Илиевски, боксерот Ашим Керимов, фудбалерот Боге Тасевски, скијачот Слободан Павловски и стрелецот Томислав Алтипармаковски.

Меѓу кандидатите што собраа повеќе гласови, а не се најдоа на ранг листата на десетте најдобри беа и следните спортисти: Вангел Петков (ракомет), Витомир Гаштевски (фудбал), Бранко Чурлевски (ракомет), Коле Ивановски (фудбал), Вангел Симев (ракомет), Трајче Пасков (гимнастика) итн.

Првата изборна комисија
Првата изборна комисија

Првиот избор на десетте најдобри спортисти на Битола го организираа СОФК-а и Битолски весник. Малата пригодна свечност се одржа во една од салите на КУД „Стив Наумов” во присуство на одбрани гости. Освен спортистите, награда добија и двајцата читатели на Битолски весник: Стевче Караманди од Битола и Владе Јовановски од селото Љубојно, Ресенско, кои погодија како ќе изгледа ранг-листата на најдобрите за 1964 година.

Десетте најдобри за 1964 г.

  1. Трифун Робев – бокс
  2. Борче Илиевски – шах
  3. Василе Стојановиќ – фудбал
  4. Благоја Багевски – ракомет
  5. Асен Паунов – атлетика
  6. Димче Илиевски – шах
  7. Ашим Ќеримов – бокс
  8. Боге Тасевски – фудбал
  9. Слободан Павловски – скијање
  10. Томислав Алтипармаковски – стрелаштво

Томислав Алтипармаковски (втор десно) беше првиот стрелец од Битола кој уште во 1964 година се најде на ранг листата на најдобрите спортисти на Битола. На фотографијата е заедно со Тоде Огненовски

Браќата Борче и Димче Илиевски
Браќата Борче и Димче Илиевски

 

PK „ Пелагонија “-1971 г. Многу од овие ракометари ќе бидат меѓу најдобрите спортисти на Битола. Б. Багевски ( трет оддесно) беше првиот што се најде на ранг-листата на најдобрите во 1964 г.

 

Битолска кошаркашка екипа. Асен Паунов, кошаркар и извонреден атлетичар (прв оддесно) беше на ранг-листата на најдобрите уште при првиот избор.
Битолска кошаркашка екипа. Асен Паунов, кошаркар и извонреден атлетичар (прв оддесно) беше на ранг-листата на најдобрите уште при првиот избор.

Незаборав 2021 – Песни за Битола

Незаборав - 2021 - Песни за Битола

Во емисијата користени се материјали од МТВ, Creative production, youtube, BitolaNews, „Битола низ стари разгледници“ – Димче Најдов, Исмаил Лумановски и Цане Николовски.

Благодарност до сите создавачи на песните за Битола

Автор на проектот
Панде Димитровски

Сценарист и наратор
Силвана Петрова Насух

Режија
Миле Гроздановски

Проектот е финансиран од Општина Битола
Градоначалник м-р Наташа Петровска

Реализација
Creative Production

Битола 2021

Рекламирање на веб порталот Bitola.info

  • Издавач: Здружение за запознавање и патување ОФ РОУД-МАКЕДОНИЈА
  • Уредник: Јове Парговски
  • Тел: +389 75 314 882
  • Е-пошта: info@bitola.info
  • ЕДБ: 4002011523002
  • Матичен број: 6686699
  • Жиро сметка: 290000001233988
  • Депонент банка: ТТК БАНКА АД СКОПЈЕ