Македонска фамилија и француски војник – Разгледницата е испратена во Франција Датум: околу 1917 година. Јас сум добар со здравјето колку што е можно, и не се секирам откако сум во новиот сектор, за нас е полесно од оној во Франција, само што е тешко со жештината; фаќа повеќе и повеќе, но биди сигурна земам нешто за здравјето и не осеќам температура. Ти прашуваш дали е како на Францускиот фронт. Биди сигурна дека не е толку страшно, но жалосно не е малку повесело. Се надевам сé е добро кај тетка ми. Треба да знаат како и јас дека кутриот наш Ремс беше поново во рацете на Германците. Чекаме да заврши ова што побрзо. Чекајќи подобар момент те поздравувам, исто и тетка ми. Твојот внук кој мисли на тебе, Морис.
Главната улица во 1917 година гледана кон север. На левата страна е хотелот „Босна”.
Плоштадот пред Противпожарната единица и Историскиот архив во 1917 година
Дел од Битола северно од Исак џамија.
Шарена Чешма.
Покрај реката Драгор. Десно е зградата на Воената управа. Описот на оваа зграда на сликата е “Стара касарна”. Денес на ова место е зградата на Општинскиот суд.
Пренос на ранети во седло. Во заднината се гледа најстарото дрво во градот наречено”Чинар”. Куќата во заднината на оваа слика сé уште постои со мали промени на прозорците.
Скршена џамија во Битола. Иако сликата е направена во 1917 година, самата џамија сé до 1976 година остана иста како на оваа слика. Изградена била на местото каде постоела црквата „Св.Никола”. На ова место денес е станбениот блок “Грозд”.
Конвој со муниција влегува во градот. Во заднината е населбата Бела Чешма а десно од конвојот се Турските гробишта.
Разгледница со наслов “Разговори пред порта” (издадена 1917), испратена во Франција на 01 август 1918 година, со краток поздрав: Добар ден и поздрав од исток од твојот роднина: Потпис: P.Badelot
Пренос на ранети во седло. Во заднината се гледа најстарото дрво во градот наречено”Чинар”. Куќата во заднината на оваа слика сé уште постои со мали промени на прозорците.
