Уметничката манифестација "Мал Битолски Монмартр" е организирана од уметничкото студио "Кирил и Методиј" и со текот на годините прерасна во успешен детски уметнички фестивал.
Камера 300 е Меѓународен фестивал на аматерски документарен филм кој се одржува секоја година во Битола.
Локум Фест е фестивал на музика и традиција кој се одржува од 2007 година во Старата чаршија во Битола.
Илинденски денови - Фестивал на народни песни и игри се одржува секоја година во Битола, од 27 јули до 2 август.
БРАЌА МАНАКИ - Меѓународниот филмски фестивал на филмска камера, е првиот и најстар филмски фестивал посветен на креативноста на кинематограферите низ светот.
Меѓународното графичко триенале се одржува од 1994 година. Главна цел на овој настан е со страст и голема љубов да ги допре и открие модерните графички активности од сите меридијани.
Интерфест е меѓународен фестивал за класична музика на кој учествуваат голем број на уметници од целиот свет, а се одржува во Битола.
БИТ ФЕСТ или Битолски летен фестивал е летна манифестација која вклучува реномирани уметници од Македонија и странство и се одржува секое лето во Битола.
АКТО фестивалот е посветен на развој, унапредување и промоција на современата уметност во Република Македонија. Фестивалот се одржува секое лето во Битола и Скопје.
