Souvenir de Monastir – 1902 година Панорама на Битола со Белата, Црвената касарна и полигонот за вежби на турската војска е најчестиот мотив од тоа време, како што е оваа разгледница од 23 декември 1902 година испратена во Софија со напис: Нада, Честито Коледе и Нова година. Кажи му на татко ти дека денес на Љубе му испратив една лира. Твојот братучед Авранов. 23 декември 1902 год. На страната на адресата стои: Mademoiselle Nadia Boutchkoffeleve a l’ecole francaisea Sophia (Bulgarie)
Битола—Црвената касарна 1908 година. Црвената касарна за пешадијата била изградена во 1253 година по исламскиот цалендар, односно 1837/38 година, кога гувернер и командант во Битола бил Ќосе Ахмет Паша. Архитект за истата бил Стојан Везенков. Изградбата почнала во 1837 година, и учествувале сите граѓани на Битола. Овој огромен објект, во кој можело да се сместат осум баталјони војска, бил завршен за шест месеци. После кратко време по завршувањето на Црвената касарна почнала изградбата на Белата касарна за коњицата и артилеријата. Истата била завршена во 1844 година. Во близина на овие две касарни била соградена во 1845 година, и Воената академија која и денес постои. Истата започна со работа во 1847/48 година. Кемал Ататурк го започна школувањето во 1895 година и заврши во 1899 година. Негов учител по историја бил Мехмед Тевфик Бег.
Битола—Црвената касарна и Воената академија во 1903 година. Црвената касарна за пешадијата била изградена во 1253 година по исламскиот цалендар, односно 1837/38 година, кога гувернер и командант во Битола бил Ќосе Ахмет Паша. Архитект за истата бил Стојан Везенков. Изградбата почнала во 1837 година, и учествувале сите граѓани на Битола. Овој огромен објект, во кој можело да се сместат осум баталјони војска, бил завршен за шест месеци. После кратко време по завршувањето на Црвената касарна почнала изградбата на Белата касарна за коњицата и артилеријата. Истата била завршена во 1844 година. Во близина на овие две касарни била соградена во 1845 година, и Воената академија која и денес постои. Истата започна со работа во 1847/48 година. Кемал Ататурк го започна школувањето во 1895 година и заврши во 1899 година. Негов учител по историја бил Мехмед Тевфик Бег.
Уметничко и занаетчиско училиште во Битола во 1906 година. Уметничкото и занаетчиско училиште започна со работа во 1900 година, да обучува ученици во занимања кои беа барани во тој период како: кројачи, столари, грнчари, инженери, и телеграфисти. Сите овие големи објекти се изградени кога на власт во Битола како валии беа Ахмед Ејуб Паша и Абдул Керим Паша.
Главната улица – Широк Сокак во 1907 година со име: Rue Hamidie. Разгледницата е испратена во Франција на 03 април,1908 година. Фотографијата е направена од хотелот ”Ориент”
Хотелот “Ориент” сликан од Широк Сокак кон југ, во мај 1905 година.
Реката Драгор со поглед кон Црн Мост и Пелистер, од јули 1906 година.
Реката Курделес со поглед на Пелистер, од јануари 1908 година.
Општинската управна зграда – хукумат јули 1905 година сликана од десната страна на реката Драгор кон североисток.
